Op dinsdag 21 meert 2023 was de prissentaotie van Grafgift. Grafgift is de daarde thriller met heufdinspecteur Freek Rossing in de heufdrol.

In ien van de dreugste en hietste zomers van de leste jaoren giet een gezin uut Spijkenisse op fietsvekaansie in Drenthe. Onder de dikke vlinten van hunebed D26 vindt ze op een vrogge mörgen het lichaam van een jonge vrouw. Zij is omringd deur diggelgoed; potties en bekers zoas het Trechterbekervolk die metgaf an heur doden. Der bent bijkaans gien sporen en Freek Rossing stiet veur ien van de grootste uutdagings uut zien loopbaan. En twei dagen later zal e met zien femilie op vekaansie.

Grafgift is een verhaal dat niet allent giet over het speurwark naor de daoder, maor ok over breuken carrières, vernedering, bezetenheid en schaamte.

Op dizze meertse aovend was der een mooie koppel volk naor het Hunebedcentrum in Börger kommen. Daor nam directeur Harrie Wolters het eerste exemplaor in ontvangst. Hij leverde ok veul wetensweerdige dingen veur het boek, want hunebedden bent zien lust en zien leven.

Het boek kost € 19,95, telt 376 bladzieden en is te koop bij de boekhandel en de website van het Huus van de Taol.