GEES – Op de leste dag van de strengere coronaregels (4 juni 2021) is op het achterterras van partycentrum-groepsaccomodatie De Zwerfkei in Gees de boekpresentatie van De man die Russisch preut. 30 geneudigden ziet dat schriever Anne Doornbos het eerste exemplaar an burgemeester Bert Bouwmeester gef. Doornbos mag geern personages in zien boek een naam geven dat an bestaande personen linkt is. Zo hef de burgemeester in het boek de naam Thijs Timmermans naor burgemeester Bert Bouwmeester van Coevorden. In de opvolger van Doornbos zien eerste Drentse thriller De paddenvanger krig inspecteur Rossing te maken met de moord op een hoge metwarker van de NAM. Hij wordt dood antröffen nao een braand in zien privé-sauna in de tuun in Gies. Dat lat niet allen in Drenthe, maor ok in Den Haag de alarmbellen rinkeln. Veur Rossing en zien team begunt een stoere speurtocht. Hef het te maken met het verzet tegen de gaswinning in Grunning? Is der wat loos in het huwelijk van het slachtoffer? Of komp dit deur onienigheid over een mestopslag? In de loop van het underzuuk graaft Freek Rossing en zien collega’s aal dieper in het verleden. Een verleden waorin smerige geheimen rond collegialiteit, ontrouw en verraod speult.

De man die Russisch preut hef 376 pagina’s en kost € 14,95. Het is te koop in de winkel van het Huus van de Taol in Beilen, bij de boekhandel en op www.huusvandetaol.nl/webshop.