Meer informatie
Over mij
Ik ben geboren op 28 juli 1948 op Erica. Ik gruide op de boerderij van mien olders an de Verlengde Hoogeveensche Vaart op en gung naor de ‘School met den Bijbel’ even wiederop an dezölfde vaort.
Daornao naor de HBS in Emmen waor ik, met een tussenstappie van twei jaor Mulo in Schoonebeek, in 1967 mien HBS-a diploma haalde.
Nao een poosie in militaire dienst naor de Theologische Hoogschool in Kampen, een opleiding die ik nao twei jaor ofbreuken heb. Daornao an het wark en tegeliek studeren an de Sociale Academie in Grunning en later in Nijmegen.
Ik warkte in het jongerenwark in Emmercompas en Emmen en was directeur van een welzijnsinstelling in Heerenveen, waornao ik overstapte naaor de gemeente Heerenveen. Later was ik gemientesikketaoris van de gemientes Zuudlaoren en Noordenveld. Nou ben ik met pensioen. Ik woon in Een.
Ik schrief sinds mien dartiende. Het begun met een illegale schoelkraant op het Lyceum in Emmen en gedichten en teksten veur schoel- en jeugdverienigingscabaret, allemaol in het Nederlands. Later schreef ik columns veur een huus-an-huuskraante in Heerenveen en was oprichter en tien jaor lang tekstschriever en speuler van het Heerenveens Ambtenaoren Cabaret.
Sinds twintig jaor schrief en publiceer ik veural in het Drèents. Körte verhaolen, een thriller, liedteksten, tonielstukken en gedichten en columns. Naost mien schrieverij was ik twaalf jaor lang bestuurlijk actief as veurzitter van de stichting Huus van de Taol/Het Drentse Boek. Ik was volmacht van het Nei Drèents Geneutschap en bestuurslid van de stichting Drentse Muziek Maatschappij.
Bij het project 400 jaor Veenkoloniën ben ik interviewd over mien jeugd op Erica en de femilie waor ik uut kom. Dat kuj hier lezen.
En op zundag 23 febrewaorie 2020 is het schrieversportret prissenteerd dat Albert Haar in opdracht van het Huus van de Taol over mij maakt hef.
Bij mien ofscheid as veurzitter in jannewaorie 2019 kreeg ik het ereteken van het Huus van de Taol.
En op 24 april 2020 weur ik benuumd tot ridder in de Orde van Oranje-Nassau.
Meer
Over mij
Daornao naor de HBS in Emmen waor ik, met een tussenstappie van twei jaor Mulo in Schoonebeek, in 1967 mien HBS-a diploma haalde.
Nao een poosie in militaire dienst naor de Theologische Hoogschool in Kampen, een opleiding die ik nao twei jaor ofbreuken heb. Daornao an het wark en tegeliek studeren an de Sociale Academie in Grunning en later in Nijmegen.
Ik warkte in het jongerenwark in Emmercompas en Emmen en was directeur van een welzijnsinstelling in Heerenveen, waornao ik overstapte naaor de gemeente Heerenveen. Later was ik gemientesikketaoris van de gemientes Zuudlaoren en Noordenveld. Nou ben ik met pensioen. Ik woon in Een.
Ik schrief sinds mien dartiende. Het begun met een illegale schoelkraant op het Lyceum in Emmen en gedichten en teksten veur schoel- en jeugdverienigingscabaret, allemaol in het Nederlands. Later schreef ik columns veur een huus-an-huuskraante in Heerenveen en was oprichter en tien jaor lang tekstschriever en speuler van het Heerenveens Ambtenaoren Cabaret.
Sinds twintig jaor schrief en publiceer ik veural in het Drèents. Körte verhaolen, een thriller, liedteksten, tonielstukken en gedichten en columns. Naost mien schrieverij was ik twaalf jaor lang bestuurlijk actief as veurzitter van de stichting Huus van de Taol/Het Drentse Boek. Ik was volmacht van het Nei Drèents Geneutschap en bestuurslid van de stichting Drentse Muziek Maatschappij.
Bij het project 400 jaor Veenkoloniën ben ik interviewd over mien jeugd op Erica en de femilie waor ik uut kom. Dat kuj hier lezen.
En op zundag 23 febrewaorie 2020 is het schrieversportret prissenteerd dat Albert Haar in opdracht van het Huus van de Taol over mij maakt hef.
Mooie dingen
Om te begunnen: het kriegen van het Ereteken van het Huus van de Taol in jannewaorie 2019. Bij mien ofscheid as veurzitter, nao twaalf jaor. Ik ben der wies met en draag het geern op daorveur passende momenten. Het ereteken wordt toekend an personen die heur slim verdienstelijk maakt hebt veur de streektaol. Het is eerder toekend an Martha Haddering (Oeze Volk), de schrievers Rieks Siebering, Marga Kool en Gerard Nijenhuis, uutgeefster Hermien Haar en Hans Jalving. De leste kreeg het veur zien jaorenlange inzet veur de vroggere Stichting Drentse Taol. Ik ben der slim groots op dat ik dizze riege staon mag!
Op 24 april 2020 weur ik benuumd tot ridder in de orde van Oranje Nassau. Ik ben wies met dit bliek van erkenning!
En dan het winnen van de Streektaolpries van het Dagblad van het Noorden 2018 veur ‘De Paddenvanger’ in april 2019. Naodat ik eerder drie maol nomineerd was op de körtliest (shortlist in het Nederlaands) met ‘Een eerder laand’, ‘Dèenken an een zebra’ en ‘In nachten dat ik naost joe lig” wun ik nou.
Jaar ervaring
Boeken
Gedichtenbundels
Thriller
Twei staolen balken spliet de tied,
links en rechts tot blokkies sneden.
Een mèensenleven perst in ’n turf,
in bulten stoekt verleden.
Spoorbielsen slaot een brug naor ’t heden
en woord nao woord kom ie weer in mien riek.
Tot in het lest de grèenze overschreden
en ie in elke vezel op mij liekt.
– Uut Speurtocht
(Een eerder laand, p.37)