Taol is as vuur dat duuster bruit
en wacht onder de bolsterlaog
tot zich een schriever der an waogt.
Het woord as steekvlam openbluit,

in schrift en teken hitte gruit,
die warmte gef, maor ok de vraog
die oons niet löslat, maor gestaog
oons diepste wezen schroeit en gluit.

En dooft de vlammen mettertied,
schoef dan de warme as opzied,
lees hier het woord dat achterblef,

zie hier de haand nog die dit schref
en oons het zeker weten gef
van neie taol in ver verschiet.

Veur Suze Sanders

Uut: In Nachten dat ik naost joe lig (het Drentse Boek, 2016)